Mesfushori i Polonisë, Kacper Kozlowski, është bërë lojtari më i ri ndonjëherë që luan në një Kampionat Evropian.
Kozlowski, 17 vjeç e 246 ditë, u inkuadrua në fushë në ndeshjen kundër Spanjës në minutën e 55-të, në ndeshjen që u mbyll 1-1.
Mesfushori polak Kozlowski ka thyer rekordin e Jude Bellingham.
17-vjeçari, tre muaj e gjysmë më i ri se ylli i Borussia Dortmund, luajti për më shumë se 30 minuta.
I riu që luan te Pogon Szczecin ka thyen një rekord që qëndroi për vetëm gjashtë ditë, pasi Bellingham luajti në ndeshjen e Anglisë kundër Kroacisë.
Rekordi i Kozlowskit nuk do të thyhet për të paktën tre vjet, kur zhvillohet Kampionati Evropian i ardhshëm.
