Ernest Muçi i jashtëzakonshëm në ndeshjen e parë të kampionatit polak për sezonin e ri, Legia Varshavë – Wisla Plock.
I aktivizuar titullar në radhët e kryeqytetasve, ish-sulmuesi i Tiranës zhbllokoi takimin në minutën e 28-të me një goditje spektakolare nga distanca, duke mrekulluar tifozët e pranishëm në stadium.
20-vjeçari tiranas, i cili gjatë pjesës së dytë të sezonit të kaluar luajti në vetëm 232 minuta me Legian në kampionati, pasi mor një top nga e majta, u zhvendos drejt qendrës, duke shmangur një kundërshtar, për të lëshuar më pas një predhë nga 25 metra, e pakapshme nga portieri kundërshtar.
Pjesa e parë e ndeshjes u mbyll me epërsinë e një goli të Legias falë një perle të sulmuesit shqiptar.
