Ndeshjet e Grupit C të Champions League 2021/22 në Shqipëri, zbardhet kalendari

Futboll

Ndeshjet e Grupit C të Champions League 2021/22 në Shqipëri, zbardhet kalendari

Më: 29 korrik 2021 Në ora: 17:33
Ndeshjet e Grupit C të Champions League 2021/22 në Shqipëri, zbardhet kalendari

Pak javë më parë UEFA vendosi t’i besojë Shqipërisë pritjen dhe organizimin e disa nga ndeshjeve të turit para-eliminator të Futsal Champions League 2021/2022.

Gjithçka u bë publike pas shortit që UEFA organizoi për fazën para-eliminatore të kompeticionit më të rëndësishëm për klube në Europë në futbollin e sallës, duke ndarë 32 skuadra në 8 grupe me nga 4 skuadra.

Nga Shqipëria në këtë turne merr pjesë KF Tirana, si kampionia e fundit e shpallur në mënyrë sportive. Klubi kryeqytetas është shortuar në Grupin C së bashku me Haladás VSE (HUN), FC Differdange 03 (LUX) dhe Utleira Idrettslag (NOR). Të gjitha ndeshjet e këtij grupi do të zhvillohen në Shqipëri.

Tashmë është përcaktuar edhe kalendari i sfidave për këtë grup. Më datë 21 gusht 2021 në ora 17:00 do të luhet edhe sfida e parë mes Haladas (HUN) – Utleira (NOR). Të gjitha ndeshjet do të zhvillohen në sallën e lojërave me dorë të Parkut Olimpik të Tiranës. Po atë ditë në ora 20:30 do të nisë sfida tjetër Differdange (LUX) – Tirana (ALB).

Më datë 22 gusht 2021 ndeshja e orës 17:00 është Differdange (LUX) – Haladas (HUN), ndërsa në ora 20:30 luhet Tirana (ALB) – Utleira (NOR).

Dy sfidat e fundit të Grupit C luhen më 24 gusht 2021. E para që nis në ora 17:00 është Utleira (NOR) – Differdange (LUX), kurse në 20:30 starton sfida Tirana (ALB) – Haladas (HUN). Nëse Tirana arrin të kalojë turin do të njihet me rivalët në fazën tjetër të kompeticionit në shortin që hidhet nga UEFA më 30 gusht.

Edhe një herë, UEFA vazhdon t’i besojë FSHF-së organizimin dhe pritjen e sfidave të një niveli të lartë ndërkombëtar, teksa Federata ka dëshmuar se është një partner serioz, i besueshëm dhe ka realizuar gjithmonë me shumë sukses organizime të tilla.

Futsal Champions League

Kalendari i ndeshjeve të Grupit C

21 gusht 2021

Haladas (HUN) – Utleira (NOR) ora 17:00
“Tirana Olimpik Park” – Tirana

Differdange (LUX) – Tirana (ALB) ora 20:30
“Tirana Olimpik Park” – Tirana

22 gusht 2021

Differdange (LUX) – Haladas (HUN) ora 17:00
“Tirana Olimpik Park” – Tirana

Tirana (ALB) – Utleira (NOR) ora 20:30
“Tirana Olimpik Park” – Tirana

24 gusht 2021

Utleira (NOR) – Differdange (LUX) ora 17:00
“Tirana Olimpik Park” – Tirana

Tirana (ALB) – Haladas (HUN) ora 20:30
“Tirana Olimpik Park” – Tirana

Shfaq komentet
comments powered by Disqus
Sot mund të lexoni Shfletoni kopertinat