Ajet Shosholli analizon ndeshjen e Prishtinës dhe të Dritës në garat evropiane  

Futboll

Ajet Shosholli analizon ndeshjen e Prishtinës dhe të Dritës në garat evropiane  

Nga: K.G. Më: 31 korrik 2021 Në ora: 00:29
Ajet Shosholli analizon ndeshjen e Prishtinës dhe të Dritës në garat evropiane  

Prishtina është kualifikuar në rrethin e tretë të Conference League dhe Dritën nga Gjilani nuk e përcolli fati sportiv në përballje me gjigantin holandez, Feyenoord. 

Ish selektori i parë i Kombëtares së Kosovës (1991), Ajet Shosholli, trajner i mirënjohur, ka analizuara lojën e Prishtinës në duel me kampionin e Uellsit Connahs Q. dhe të Dritës ndaj Feyenoordit.   

"Për këto katër vite të pjesëmarrjes të ekipeve tona në garat ndërkombëtare, ky vit ishte prezantimi më i mirë i deritanishëm i futbollit kosovar në këto gara.

Se pari urime për kualifikimin e Prishtinës në garat e mëtutjeshme, kualifikim i cili është plotësisht i merituar me paraqitjet e deri tanishme të kësaj ekipe.

Sa i përket ndeshjes së Prishtinës, mendoj se ishte një ndeshje me oscilime gjatë lojës së tyre, ku patën periudha shumë të mira të lojës, por i patën edhe disa dobësi momentale, posaçërisht në repartin e mbrojtjes apo në fazën defensive e që shpresojmë në ndeshjen e radhës do ti përmirësojnë këto gabime.

Me rezultat të përgjithshëm të dy ndeshjeve, Prishtina me plotë meritë arriti kualifikimin dhe me kontingjentin e lojtarëve që i ka në dispozicion, mund të arrijë rezultat të mirë edhe në ndeshjen e radhës me ekipin norvegjez Bodo.

Ekipit të Prishtinës si përfaqësues i vetëm i futbollit kosovar në këto gara i urojme dhe dëshirojmë sukses në ndeshjen e radhës.

DRITA, e cila në këto dy ndeshje kishte përballë ekipin e Feyenoordit me cilësi dhe përmasa elitare në futbollin evropian (në këtë ekip luajtën edhe futbollist elitar si: Johan Krojf, Ronald Koeman, Van Persie e shumë të tjerë).

Në të dy këto ndeshje, Drita kishte paraqitje të shkëlqyeshme dhe i mungoi një hap shumë i vogël që ajo edhe të kualifikohet dhe eliminoi një gjigant evropian.

Drita duke i ditë cilësitë e kundërshtarit si edhe cilësitë vetanake të ekipit të vet, mendoj që bëri një paraqitje të shkëlqyeshme.

Si një ekip ku akcenti kryesor i lojës ishte loja obliguese e çdo lojtari, në secilën fazë të lojës me një disiplinë të madhe në përmbushjen e detyrave individuale gjate lojës, lojë e cila rezultoi si tërësi kompakte e të gjithë ekipit.

Me një mënyrë të tillë të lojës, Drita arriti që të krijojë edhe avantazhin e merituar në pjesën e parë.

Mendoj që ishin kyqe në lojën e Dritës, minuta e 70-të e ndeshjes ku nëpërmes Mujës pati rastin ideal që të kalojë në epërsi, si edhe minuta e 74-të ajo në të 84-en dhe të 92-en që të barazoi rezultatin, ku mungoi koncentrimi i duhur, por ndoshta edhe i arsyeshëm i futbollistëve të rinj në një ndeshje kaq të rëndësishme.

Si do që të jetë, Drita me këtë paraqitje duhet të jetë kokëlartë edhe pse u eliminua, dhe shpresoj që paraqitja e tillë duhet të jetë stimulim në punën e mëtutjeshme të futbollistëve, shtabit teknik, sponsorëve dhe të gjithë atyre që janë pjesë e klubit”, ka shkruar Shosholli në profilin e tij në facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat