Trajneri i Man United: De Gea është portieri më i mirë në botë

Futboll

Trajneri i Man United: De Gea është portieri më i mirë në botë

Më: 30 shtator 2021 Në ora: 09:50
Trajneri i Man United: De Gea është portieri më i mirë në botë

Trajneri i Manchester Unitedit, Ole Gunnar Solskjaer, e ka lartësuar David de Gean si portierin më të mirë në botë, pasi spanjolli bëri paraqitje të shkëlqyeshme për t’i ndihmuar Unitedit ta mposhtë Villarrealin të mërkurën.

De Gea i bëri plot gjashtë pritje për ta udhëhequr Manchester Unitedin drejt fitores 2:1 ndaj Villarrealit në Ligën e Kampionëve.

Koeman s’e ka ndërmend të largohet: E kam përkrahjen e klubit dhe të lojta…

Shumicën e pritjeve ai i bëri në kohën kur ekipi spanjoll po e mbizotëronte Unitedin në Old Trafford.

Pas ndeshjes, Solskjaer e veçoi De Gean si lojtarin e ndeshjes, pavarësisht se Cristiano Ronaldo e shënoi golin e triumfit në çastet e fundit të ndeshjes.

“Fatmirësisht sonte e kishim portierin më të mirë në botë. David ishte fantastik. Në pjesën e dytë, ata e kishin topin më shumë, ishte lojë e hapur dhe ata e merituan epërsinë”, tha Solskjaer.

“De Gea e kishte një verë të vështirë. Ai shkoi në Euro dhe nuk luajti atje, por ai u rikthye me përkushtim, me punë të cilën e shijoj unë. Ai na shpëtoi sonte. Sot David ishte njeriu i ndeshjes”, shtoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat