Ronald Koeman mund të shkarkohet sot nga pozita e trajnerit te Barcelona.
Bordi udhëheqës i Barcelonës është mbledhur sot, teksa po diskutohet për të ardhmen e Koemanit.
Sipas ''Sport''-it, shkarkimi i holandezit nga pozita e trajnerit te katalunasit mund të ndodhë sot (e enjte). Mediumi katalunas gjithashtu ka shkruar se Xavi dhe Roberto Martinez janë emrat e trajnerëve, të cilët mund ta marrin drejtimin e skuadrës.
Ndryshe, Ronald Koeman është trajner i Barcelonës që nga viti 2020. Nën drejtimin e tij, skuadra fitoi Kupën e Spanjës, zuri vendin e tretë në La Liga dhe u eliminua nga Liga e Kampionëve në fazën e 1/8 finale.
Në këtë sezon Barcelona ka regjistruar tri fitore dhe tri barazime në gjashtë ndeshje në La Liga, teksa renditet e gjashta me 12 pikë.
Katalunasit me Koemanin nuk e kanë nisur aspak mirë sezonin në Ligën e Kampionëve, duke pësuar humbje në dy ndeshjet e para në grup, nga Bayern Munichi dhe Benfica.
