Ferizaj me premia të majme për futbollistët 

Futboll

Ferizaj me premia të majme për futbollistët 

Më: 21 tetor 2021 Në ora: 19:38
Ferizaj me premia të majme për futbollistët 

Ferizaj është në kremten e fitores me rezultat 4:2 ndaj 2 Korrikut në Prishtinë.

Jo me kaq, merret vesh nga burimet e afërta me klub, se drejtuesit e klubit do t’i shpërblejnë me premia të majme futbollistët për fitoren në derbin me 2 Korrikun.

“Shifra nuk bëhet e ditur por flitet se janë premtuar premia të majme. Këto premia vijnë si rrjedhojë e fitores në derbi po ashtu edhe të lojës së mirë”, tha një burim i afërt me klubin për gazetën kombëtare “Bota sot”.

Po ashtu bëhet e ditur se premia janë paraparë edhe për ndeshje të caktuara. 

Arbnor Morina prej se është emëruar kryetrajner, Ferizajt nuk i ndahen fitoret, katër ndeshjet e fundit po aq fitore.      
Merret vesh se kryetari i klubit, Lulzim Abazi, me aksionarë do t’i ndajë premitë gjatë këtyre ditëve. 

Ferizaj zë vendin e pestë me 14 pikë në Ligën e Parë të Kosovës, Grupi B, ka dy me pak se lideri Ramiz Sadiku nga Prishtina.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat