Gjigandi francez Paris Saint-Germain do të zhvillojë ndeshje sot si mysafirë kundër skuadrës gjermane RB Leipzig, e vlefshme kjo për xhiron e katërt të fazës së grupeve të Ligës së Kampionëve.
Në javën e tretë të kësaj faze, PSG e mposhti me rezultat të ngushtë 3:2 skuadrën e Leipzig.
Gjigandi francez dhe Leipzig gjenden në Grupi A së bashku me dy skuadrat e tjera si Manchester City dhe Club Brugge KV.
Pas tre xhirove të zhvilluara, PSG zë vendin e parë në tabelë me gjithsej shtatë pikë, një më shumë se Manchester City në vendin e dytë, kurse Leipzig pozicionohet në vendin e fundit ku pas tre ndeshjeve nuk ka arritur të arkëtojë asnjë pikë.
Sa i përket ndeshjes së sotme, trajneri Mauricio Pochettino do të ketë mungesa të shumta të lojtarëve, ku nuk do të mund të llogarisë në shërbimet e Bernat, Messi, Paredes, Rafinha, Ramos, Rico dhe Verratti.
Në anën tjetër, për skuadrën e Leipzig nuk do të paraqiten Halstenberg, Klostermann dhe Saracchi.
Formacionet zyrtare:
PSG: Donnarumma, Hakimi, Mendez, Danilo, Marquinhos, Kimpembe, Wijnaldu, Gueye, Mbappe, Di Maria, Neymar,
Leipzig: Gulasci, Simakan, Angelino, Organ, Forzsberg, Adams, Nkunku, Mukiele, Laimer, Gvardiol, Silva
