Rrahmanit pas formës së lartë me Napolin iu rritet vlera në treg

Futboll

Rrahmanit pas formës së lartë me Napolin iu rritet vlera në treg

Më: 11 nëntor 2021 Në ora: 11:56
Rrahmanit pas formës së lartë me Napolin iu rritet vlera në treg

Vlera e mbrojtësit të Kosovës, Amir Rrahmani, në tregun e futbollit është rritur dukshëm në javët e fundit.

Nga 12 milionë sa ishte vlera e tij, pas transferimit nga Verona te Napoli, i është bërë 16 milionë euro.

Mbrojtësi nga Prishtina, Amir Rrahmani është duke kaluar formë të jashtëzakonshme me skuadrën e tij Napolin në Itali.

Deri më tani Rrahmani është paraqitur thuajse në çdo ndeshje në formacionin startues në këtë sezon.

Me statistikat e tij të jashtëzakonshme, ylli kosovar ka zënë vend në formacionin bazë ku edhe e ka bindur trajnerin Luciano Spalleti.

Në 9 ndeshje sa ka luajtur në këtë sezon, Rrahmani ka shënuar 2 gola dhe ka pranuar vetëm një karton të verdhë, si dhe është bërë shtyllë e ekipit duke mos pranuar shumë gola.

Kjo formë e tij ka ndikuar që vlera e tij në tregun e futbollit të rritet në 16 milionë euro. Këto të dhëna vijnë nga ueb-faqja transfermarkt.com që bën monitorimin e lojtarëve në të gjithë botën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat