Griezmann flet pas humbjes së Atleticos nga Milani

Futboll

Griezmann flet pas humbjes së Atleticos nga Milani

Më: 25 nëntor 2021 Në ora: 12:38
Griezmann flet pas humbjes së Atleticos nga Milani

Sulmuesi i Atletico Madridit, Antoine Griezmann, e ka pranuar se Milani luajti shumë më mirë se skuadra e tij në fitoren 1:0 në Ligën e Kampionëve të mërkurën.

Zëvendësuesi Junior Messias e vendosi ndeshjen në Wanda Metropolitani të martën, duke e shënuar me kokë golin e triumfit pas një harkimi nga Franck Kessie.

Kjo fitore, e cila ishte e para, e mban Milanin në garë për të kaluar në mesin e 16 më të mirëve.

 “Ata na studiuan mirë neve. Plani i jonë për lojën nuk funksionoi. Milani ishte superior”, tha Griezmann.

Si pasojë e humbjes, Atletico Madridi tani është i fundit në Grupin B, me 4 pikë, aq sa ka edhe Milani në vendin e parafundit.

“Ne duhet të përmirësohemi dhe të luajmë më mirë në ndeshjen e fundit në grup”, shtoi ai.  

Liverpooli e ka fituar grupin tashmë pasi i ka grumbulluar 15 pikë, pra maksimumin nga pesë ndeshje, ndërsa Porto është e dyta me 5 pikë.

Atleticos i duhet ta mposhtë Porton patjetër për të kaluar tutje dhe të shpresojë se Milani nuk fiton ndaj Liverpoolit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat