Derbi i Selanikut kthehet në arenë lufte. Tifozët hyjnë në fushë

Futboll

Derbi i Selanikut kthehet në arenë lufte. Tifozët hyjnë në fushë

Më: 28 nëntor 2021 Në ora: 21:23
Derbi i Selanikut kthehet në arenë lufte. Tifozët hyjnë në fushë

Derbi i Selanikut mes  PAOK-ut dhe Arisit është gjithmonë një nga më të nxehtët në futbollin botëror dhe përjashtim nuk ka bërë as ky i luajtur sot. Ndeshja është ndërprerë në minutat e fundit të saj, pasi stadiumi “Toumba” është kthyer në një arenë të mirëfilltë luftë.

Duke pasur parasysh rëndësinë e këtij dueli dhe tensionin që mbart, ishte ftuar një gjyqtar ndërkombëtar, skocezi Maden, që të drejtonte sfidën ku PAOK ishte pritës.

Kontestime nuk kishte, por tifozëve vendas duket nuk u pëlqeu rezultati me të cilën po mbyllej ndeshja, pasi Arisi po fitonte me shifrat 1-0.

Ndaj në minutën e 92-të të duelit, ultrasit e PAK fillimisht hodhën tymuese të shumta, e më pas vërshuan vetë nga tribunat në fushën e lojës. Kjo bëri që të ndërhynte edhe policia, me përplasje të dhunshme në fushë e në tribuna mes palëve, duke sjellë ndërprerjen e takimit, në një situatë ku nuk mund të flitej më për futboll.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat