Kryetrajneri i Shkupit: Nuk dua ti harroj as tifozët dhe i falënderoj për përkrahjen e tyre

Futboll

Kryetrajneri i Shkupit: Nuk dua ti harroj as tifozët dhe i falënderoj për përkrahjen e tyre

Më: 28 nëntor 2021 Në ora: 23:11
Kryetrajneri i Shkupit: Nuk dua ti harroj as tifozët dhe i falënderoj për përkrahjen e tyre

Për të dytën javë radhazi para tifozëve në Çair, FC Shkupi deklasoi skuadrën e Struga Trim Lum me rezultatin 4:0.

Pjesa e parë u mbyll pa gola me rezultat të barabartë, ndërsa në pjesën e dytë Shkupi tregoi fuqinë dhe klasin e saj.

Serinë e golave e hapi Sunday Adetunji në minutën e 55-të.

Goli i dytë respektivisht i tretë erdhën njëra pas tjetrës në minutat 59 dhe 61, me golashënues Faustin Senghor dhe Kire Markoski.

Për golin e katërt dhe të fundit u kujdes Sunday Adetunji në minutën e 70-të.

I lumtur me ndeshjen dhe rezultatin u shpreh edhe kryetrajneri shkupjan Goce Sedlloski, duke thënë: 

“Nuk kam çka të shtojë më tepër vetëm se të them urime për futbollistët e mi që dhanë maksimumin, jam i lumtur me lojën që zhvilluan.

Në pjesën e parë futbollistët kishin presion dhe nervoz të lartë dhe unë i qetësova gjatë pauzës dhe ju thash që jemi duke luajtur futboll më të mirë dhe duhet t’i shfrytëzojmë mundësitë tona. Mendoj që është fitore plotësisht e merituar. Nuk dua ti harroj as tifozët dhe i falënderoj për përkrahjen e tyre që na dhanë gjatë gjithë ndeshjes”.

Kujtojmë që skuadra e FC SHKUPIT vazhdon të qëndrojë në pozitën e parë si lider me 35 pikë të grumbulluara.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat