Trajneri i Tottenhamit, Antonio Conte, beson se kampionati anglez duhej të ishte pezulluar për shkak të situates me koronavirus në vend.
“Koronavirusi në Angli ka arritur një nivel të pamundur, mendoj se ishte e nevojshme të ndalohej kampionati.
Shumë trajnerë janë përpjekur të flasin për të, por mendoj se gjithçka tashmë është vendosur.
Kur keni një mur përballë, mund të debatoni, të provoni pozicionin tuaj dhe të flisni për atë që do të dëshironit, por është e kotë. Të gjitha vendimet tashmë janë marrë”, tha Conte.
Ndërkohë, për shkak të situates me koronavirus, Premier Liga është detyruar t’i shtyjë disa ndeshje.
