​A do të riluhet ndeshja Milan-Spezia, ja çfarë thotë rregulli përkatës për situata të tilla

Futboll

​A do të riluhet ndeshja Milan-Spezia, ja çfarë thotë rregulli përkatës për situata të tilla

Më: 18 janar 2022 Në ora: 16:55
Foto ilustrim

Ndeshja e Serie-A Milan-Spezia nuk ka gjasa të përsëritet pavarësisht një kërkese të shtruar nga shoqata italiane për mbrojtjen e të drejtave të konsumatorëve “CODACONS”.

Kuqezinjtë pësuan një humbje 2-1 kundër Spezias mbrëmë pas një gabimi të qartë të gjyqtarit Marco Serra.

39-vjeçari nuk lejoi në avantazh, por dha një goditje dënimi për Milanin, ndërsa Junior Messias shënoi gol mjaftë të bukur por i cili ishte i pavlefshëm.

Menjëher pas këtij episodi, mysafirët shënuan gol me anë të Emmanuel Gyasit që solli edhe humbjen e “Rossonerëve”.

Presidenti i “CODACONS”, Marco Donzelli, i kërkoi Federatës së Italisë që ndeshje të përsëritet sepse arbitri bëri një gabim teknik të jashtëzakonshëm siç u vërtetua edhe nga reagimi i tij.

Gjyqtari 39-vjeçar do të pezullohet për të paktën dy ndeshje dhe do të rifillojë sezonin e tij në Serie B.

Megjithatë, ndeshja nuk do të riluhet sepse Serra nuk gaboi në zbatimin e ligjit të futbollit, ndaj loja nuk mund të anulohet.

Arbitri u përlot në fund të ndeshjes, por disa yje të Milanit, përfshirë Zlatan Ibrahimovic, shkuan në dhomën e tij të zhveshjes për ta ngushëlluar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat