Paul Pogba ka informuar Manchester United se ka ndërmend të largohet pasi kontrata e tij do të skadojë qershorin e ardhashëm.
Pogba është stërvitur për herën e parë në dy muaj e gjysmë të hënën pas një dëmtimi në kofshë dhe pritet të kthehet në fushë në fillimin e muajit të ardhshëm.
Siç ka shkruar edhe The Daily Star, blerjes rekord 105 milionë euro e United do t’i mbeten edhe pesë muaj në kontratën e tij prej 354 mijë eurosh në javë dhe ai ka dëshirë të transferohet te Real Madrid me kosto zero.
E përditshmja angleze ka shkruar se lojtari ka informuar drejtuesit e klubit disa javë më përpara se do të transferohet në Spanjë.
United nuk i ka bërë asnjë ofertë për rinovimin e kontratës dhe janë të gatshëm ta lënë të largohet me kosto zero.
