Kombëtarja e Shqipërisë U-16 zbret nesër në fushë

Futboll

Kombëtarja e Shqipërisë U-16 zbret nesër në fushë

Më: 20 janar 2022 Në ora: 19:18
Kombëtarja e Shqipërisë U-16 zbret nesër në fushë

Edhe Kombëtarja shqiptare U-16 do të zbresë në fushë këtë të premte, ku do të zhvillojë një seleksionim një ditor, me lojtarë të vitlindjes 2007 në Qendrën Sportive të Ekipeve Kombëtare në Kamëz.

Trajneri i ekipit Kombëtar, Agron Kërçova ka ftuar në këtë seleksionim rreth 30 lojtarë të talentuar, të cilët aktivizohen në kampionatin shqiptar të moshave. Futbollistët e vegjël do të kenë mundësi të kryejnë testime nga më të ndryshmet, duke treguar cilësitë e tyre në fushë.

I gjithë ky proces që ka si synim vëzhgimin nga afër të elementëve të talentuar të kësaj grupmoshe, do të ndiqet nga afër nga stafi teknik i Kombëtares U-16, me në krye teknikun shqiptar, si dhe nga specialistët e Ekipeve Kombëtare dhe pjesëtarë të stafeve të ekipeve të tjera Kombëtare.

Pas përzgjedhjes së lojtarëve ditën e nesërme, në javën e ardhshme, më 27 janar është planifikuar edhe një ndeshje miqësore kundër ekipit Kombëtar U-15, ku trajneri Kërçova do të ketë mundësinë të shohë lojtarët e seleksionuar në lojë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat