Klauzolë prej 100 milion euro për sulmuesin 15 - vjeçar!

Futboll

Klauzolë prej 100 milion euro për sulmuesin 15 - vjeçar!

Më: 27 janar 2022 Në ora: 12:35
Endrick Felipe Moreira de Sousa

Endrick Felipe Moreira de Sousa, është një sulmues i ri 15-vjeçar që ka tërhequr vëmendjen e klubeve të mëdha evropiane, pas paraqitjes së tij të shkëlqyer në “Copinha de Sao Paulo”, turneu më i rëndësishëm për të rinjtë në Brazil.

Me origjinë nga Brazilia, sulmuesi i majtë shënoi gjashtë gola, një prej tyre me një goditje spektakolare nga jashtë zonës, gjatë gjithë këtij kompeticioni, që ndiqet nga afër çdo vit nga skautët e fuqive të mëdha të futbollit botëror.

Klubi i tij, Palmeiras, po mendon të përfshijë një klauzolë largimi prej 100 milionë eurosh në kontratën e parë profesionale të Endrick, që të ketë mundësi të përfitojë sa më shumë, në rast shitjeje. Më 21 korrik, kur ai të mbushë 16 vjeç, do të nënshkruajë kontratën e parë si lojtar profesionist për Palmeirasin.

Endrick mund të transferohet në Evropë vetëm në moshën 18-vjeçare, por klubet evropiane priren t’i mbyllin marrëveshjet me manaxherët e talenteve dhe t’i lënë në vendet e tyre të origjinës derisa të arrijnë moshën madhore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat