​Edy Reja reagon për sulmin në shtëpinë e Armand Dukës

Futboll

​Edy Reja reagon për sulmin në shtëpinë e Armand Dukës

Më: 27 janar 2022 Në ora: 13:06
Armand Duka

Ngjarja e ndodhur mbrëmjen e së hënës në Shqipëri, kur pranë shtëpisë së Presidentit të FSHF-së, Armand Duka u vendos një eksploziv ka tronditur jo vetëm botën e futbollit shqiptar, por edhe atë europian. Reagime të shumta ka pasur nga komuniteti i futbollit me drejtues dhe personalitete të njohura të futbollit ndërkombëtar, por edhe nga media prestigjioze ndërkombëtare, që janë solidarizuar me ngjarjen shokuese.

Në lidhje me këtë çështje, gazeta e madhe italiane, “Corriere Dello Sport” ka intervistuar trajnerin e Kombëtares shqiptare, Edoardo Reja.

Në një prononcim të shkurtër, trajneri i Kombëtares shqiptare shpreh solidaritetin e plotë presidentit Duka, teksa lidhur me ndërhyrjet e fundit të politikës në futboll, ai thekson se politika nuk ka vend në këtë sport. Ai flet edhe për punën që po bën me Federatën Shqiptare të Futbollit.

“Dua të shpreh solidaritetin tim të plotë për presidentin Duka. Nuk më kishte ndodhur kurrë më parë të shihja një incident të ngjashëm të kësaj natyre, më vjen vërtetë keq për Dukën. Kam dëgjuar rreth disa polemikave në Shqipëri, por mund të them që politika nuk ka vend në futboll. Me Federatën Shqiptare të Futbollit po bëjmë një punë të jashtëzakonshme. Do të ishte mëkat të prishej apo të vihej në diskutim”, u shpreh trajneri Reja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat