E ofendoi nga nëna, shoku i shqiptarit kërkon falje

Futboll

E ofendoi nga nëna, shoku i shqiptarit kërkon falje

Më: 27 janar 2022 Në ora: 15:18
E ofendoi nga nëna, shoku i shqiptarit kërkon falje

Një ngjarje e vështirë për t’u trajtuar u regjistrua në mbrëmjen e së mërkurës në Serie B të Italisë. Në fundin e sfidës mes Leçe dhe Vicenza, nervat nuk mbajtën aspak lojtarin Zan Majer i cili ofendoi Riçardo Meggiorinin nga mamaja.

Për fat të keq, mamaja e futbollistit të Vicenzës kishte ndërruar jetë dhe ofendimi rëndoi dyfish gjendjen e Meggiorinit, duke bërë që ai të mos i mbante lotët në fushë.

Sigurisht, për 36-vjeçarin pati solidarizim edhe nga ana e kapitenit të Leçes, Lucioni ndërsa e rëndësishme është se Majer e ka kuptuar gabimin dhe i ka kërkuar falje publikisht kolegut të tij futbollist.

“Ndonjëherë në fushë themi gjëra të cilat nuk i mendojmë në të vërtetë, i themi vetëm prej nervave. Dua t’i kërkoj falje publikisht Meggiorinit. Më vjen shumë keq për të”, u shpreh Majer.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat