Portieri i Ekuadorit i vuri këmbën në fyt

Futboll

Portieri i Ekuadorit i vuri këmbën në fyt

Më: 28 janar 2022 Në ora: 11:06
Portieri i Ekuadorit i vuri këmbën në fyt

Sulmuesi i Barazilit, Mattheus Cunha, shpëtoi mrekullisht në sfidën eliminatore të Botërorit “Katar 2020”, të zhvilluar përballë Ecuadorit, në kryeqytetin Kuito, në lartësinë 2850 metra mbi nivelin e detit.

Në minutën e 15-të të takimit, teksa “Seleçao” po kryesonte 0-1 falë golit të shënuar nga Casemiro që në minutën e 6-të, portieri i vendësve, Dominguez, bëri një ndërhyrje “kung fu” ndaj futbollistit të Atleticos së Madridit, duke i rrezikuar madje edhe jetën.

Në këtë rast, është me vend përdorimi i zhargonit “u vuri këmbën në fyt”.

Pamjet janë të frikshme, ndërsa shenjat e takave në qafën e 22-vjeçarit brazilian tregojnë më shumë për goditjen që ka marrë. Me të drejtë kryesori i tregoi kartonin e kuq portierit.

Sa i përket kronikës, ndeshja përfundoi 1-1, pasi Ekuadori barazoi në të 75-tën me Torres.

Duhet theksuar që forcat në fushë u barazuan që në minutën e 20-të, pas ndëshkimit të Emerson Royal me kartonin e dytë të verdhë. Brazili e ka siguruar kualifikimin, pasi kryeson me 36 pikë, ndërsa Ekuadori hedh një tjetër hap të rëndësishëm me pikën e marrë, duke shkuar në kuotën 24, në vendin e tretë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat