Bayern Munih i gatshëm të thyej rekordin

Futboll

Bayern Munih i gatshëm të thyej rekordin

Më: 29 janar 2022 Në ora: 14:32
Bayern Munih i gatshëm të thyej rekordin

Bayern Munich është duke kërkuar me ngulm që disa kohë transferimin e mesfushorit spanjoll Pedri.

Mesfushori i talentuar ka shkëlqyer në dy vitet e fundit me Barcelonën dhe është bërë edhe një titullar i rregullt tek Kombëtarja e Spanjës.

19-vjeçari është dëshira kryesore e Bayernit për repartin e mesfushë dhe drejtori sportiv Hasan Salihamixhiq që disa kohë po tenton ta bindë atë të transferohet në Munich.

Barcelona ia ka vazhduar kontratën xhevahirit të tyre i cili ka një klauzolë largimi prej 1 miliardë euro, shumë që vështirë se do të mund të paguhet nga ndonjë skuadër.

Mirëpo drejtuesit e gjigantit gjerman po insistojnë për transferimin e tij dhe sipas mediumit Kicker, janë duke e testuar Barcelonën me një ofertë të lartë.

Bayerni është gati ta thyej rekordin personal të transferimeve duke ofruar 100 milionë euro për transferimin e talentit spanjoll.

Përkundër që Barcelona ndodhet në një krizë të madhe financiare, oferta e Bayernit pritet të refuzohet pasi Pedri shihet si lojtari kryesor i së ardhmes në klubin katalunas.

19-vjeçari këtë edicion ka zhvilluar shtatë ndeshje me Barcelonën ku ka shënuar një gol, derisa mungoi në shumicën nga takimet shkaku i lëndimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat