Juventusi raportohet se ka arritur marrëveshje me qendërmbrojtësin e Chelseat, Antonio Rudiger.
Bianconerët po përgatiten të përforcojnë skuadrën e tyre në afatin kalimtar të verës pas një sezoni të dobët.
Duke parë pasigurinë që rrethon Chelsean pas sanksioneve të vendosura kundër Roman Abramovich, skuadra torineze është gati të rrëmbejë çdo yll që del nga porta në Londrën Perëndimore.
Siç raportohet nga La Gazzetta dello Sport, Rudiger ka pranuar t’i bashkohet Juventusit në një transferim falas në verë, pasi kontrata e tij skadon me Chelsean. Ai pritet të nënshkruajë një marrëveshje katërvjeçare me vlerë rreth 6.5 milionë euro neto në sezon.
Bianconerët po punojnë gjithashtu për të siguruar nënshkrimin e Jorginhos.
Kontrata e mesfushorit italo-brazilian skadon me blutë në vitin 2023 dhe tani ata duhet të bien dakord për shumën me skuadrën e Thomas Tuchel.
Tani për tani duket se Jorginho do të nënshkruajë një marrëveshje katërvjeçare me vlerë rreth 6.5 milionë euro neto në sezon gjithashtu.
