Portugalia do të zbresë mbrëmjen e sotme në stadiumin “Do Dragao”

Futboll

Portugalia do të zbresë mbrëmjen e sotme në stadiumin “Do Dragao”

Më: 24 mars 2022 Në ora: 17:17
Portugalia do të zbresë mbrëmjen e sotme në stadiumin “Do Dragao”

Portugalia do të zbresë mbrëmjen e sotme në stadiumin “Do Dragao” të Portos për të kërkuar finalen e “play off”-eve, e cila garanton biletën për në Botërorin 2022.

Luzitanët do të udhëhiqen në fushë nga kapiteni Kristiano Ronaldo, i cili me 115 golat e tij me bluzën e kombëtares është rekordmeni i të gjitha kohërave, por e përditshmja portugeze “A Bola” ka nënvizuar dje se për sa i përket vitit 2022, pikërisht CR7 është futbollisti me rendimentin më të ulët në repartin sulmues që ka në dispozicion trajneri Fernando Santos.

Me vetëm 4 gola të shënuar dhe asnjë asist, Ronaldo është shumë mbrapa të tjerëve duke qenë se Zhota, Silva e Guedesh numërojnë nga 7 gola, por edhe Leao e Feliks janë në kuotën 6.

Për të mos folur edhe për asistet, që shkojnë nga 1 i Zhotës e Guedeshit; 3 të Silvës e Leaos e deri te 4 të Feliks.

Gjithsesi, edhe kur gjërat për të nuk shkojnë mirë në rang klubesh, Kristiano transformohet kur vesh bluzën e kombëtares, ndaj sot ndaj Turqisë është gati që t’i çojë te triumfi shokët, siç theksoi me një tjetër mesazh në “Instagram”, pas stërvitjes së djeshme.

MESAZHI I RONALDOS – “Nuk është një sekret për asnjë se përfaqësimi i vendit tim është gjithmonë një moment special për mua. Të ngremë sa më lart emrin e Portugalisë, t’u sjellim gëzim dhe krenari të gjithë portugezëve, të gjithë të rinjve që duan një ditë të jenë pjesë e kombëtares, pasi asgjë nuk është e pamundur. Prandaj, besoni te ne dhe kombëtarja jonë. Forca Portugali!”, postonte CR7.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat