Media zvicerane për Xhakën: Pas zëvendësimit u mërzit dhe u nervozua

Futboll

Media zvicerane për Xhakën: Pas zëvendësimit u mërzit dhe u nervozua

Më: 30 mars 2022 Në ora: 14:59
Media zvicerane për Xhakën: Pas zëvendësimit u mërzit dhe u nervozua

Xherdan Shaqiri dhe Granit Xhaka luajtën titullarë mbrëmë në ndeshjen ndërmjet Zvicrës dhe Kosovës.

Loja përfundoi baras (1:1), ndërsa “Helvetikët” nuk ishin të kënaqur me paraqitjen e tyre.

E sa u përket lojtarëve, Shaqiri është vlerësuar më lartë sesa Xhaka në ndeshjen që u cilësua si vëllazërore.

Futbollisti i Chicagos u vlerësua nga mediumi “20 minuten” me notën 4.

“Turbina e sulmit dukej e nxehtë dhe i bëri presion mbrojtjes së Kosovës me një presing agresiv. Në pjesën e parë goditjet nga këndi nuk i kishte të mira. Por, tentoi disa herë të shënonte vetë”, shkruan mediumi zviceran.

Ndërsa, Xhaka u vlerësua me notën 3, që i bie paraqitje e dobët.

“Kapiteni e festoi ndeshjen e tij të 100-të me Kombëtaren e Zvicrës.

Mirëpo, nuk kishte arsye të festonte shumë pas lojës. E dirigjonte mesfushën, e bënte lojën e tij me pasime, por në fushë dukej për një kohë të gjatë i pakënaqur. Pas zëvendësimit u mërzit dhe u nervozua. Nuk ishte një ndeshje jubilare që i kënaq standardet e Xhakës”, shkruan tutje mediumi “20 minuten”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat