Asensio ende nuk e ka rinovuar kontratën me Madridin

Futboll

Asensio ende nuk e ka rinovuar kontratën me Madridin

Më: 31 mars 2022 Në ora: 06:53
Marco Asensio

Real Madrid dhe Marco Asensio janë në prag të fillimit të negociatave që do të përcaktojnë nëse e ardhmja e lojtarit është në klub apo larg tij.

Edhe pse marrëdhënia mes palëve është e mirë dhe me kontakte të shpeshta, ende nuk kanë nisur bisedimet vendimtare rreth kontratës së tij.

Klubi dhe agjenti i lojtarit kanë rënë dakord të takohen së shpejti, me datën e saktë që do të përcaktohet. Është një periudhë e komplikuar për Real Madridin, ku operacionet e përditshme kërkojnë vëmendje maksimale, por edhe planifikimi për sezonin e ardhshëm.

Prioriteti i Asensio është zgjatja e kontratës së tij aktuale me Real Madridin, e cila skadon në qershor 2023.

Drejtuesit e klubit janë të vetëdijshëm se pozicioni i tij negociues është shumë i mirë, pasi nëse ai nuk nënshkruan në muajt e ardhshëm, ai do të jetë në gjendje për t’u larguar falas në fund të sezonit të ardhshëm. 

Megjithatë, ata kanë besim se do të gjendet një zgjidhje dhe ai do të nënshkruajë një marrëveshje të re.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat