Trajneri serb vazhdon me inate, injoron sërish shqiptarin!
Legia e Varshavës do të luajë kundër Lech Poznanit për ndeshjen e javës së 28 të kampionatit polak.
Ernest Muçi mbetet për të disatën e herë jashtë listës së lojtarëve të grumbulluar nga trajneri i kampionëve në fuqi të Polonisë. Talenti shqiptar është abonuar me divanin e shtëpisë dhe i duhet që ta ndjekë përsëri Legian nga televizori.
Kjo është një zgjedhje personale e trajnerit, i cili dje konfirmoi se Muçi ishte i gatshëm për sfidën e radhës.
Por Vukoviç “ka prerë në besë” ish-lojtarin e Tiranës, duke e injoruar përsëri e duke e lënë në shtëpi për ndeshjen e radhës. Ndërkohë, në mesfushën e tij ka vend për Jurgen Çelhakën, i cili e nis titullar ndeshjen e sotme.
