Real Madrid është duke planifikuar zgjatjen e kontratës së Eder Militaos.
Sipas asaj që bën të ditur Fabrizio Romano, “Los Blancos” gjatë javës së ardhshme do të vijnë me një propozim për brazilianin.
24-vjeçari ka qenë titullar i padiskutueshëm këtë sezon për 34-herë kampionët spanjollë, falë performancave të mira që kishte gjatë kësaj periudhe.
Përkundër që po kërkohet me ngulm Antonio Rudiger, kjo nuk pritet të ndryshojë diçka sa i përket mbrojtësit i cili bën pjesë në planet e Carlo Ancelottit.
Pos Militaos, madrilienët po përgatisin një ofertë për rinovim edhe për Vinicuis Junior dhe Luka Modric.
