Fabregas rikthehet pas 219 ditësh, riniset nga divizioni i katërt francez

Futboll

Fabregas rikthehet pas 219 ditësh, riniset nga divizioni i katërt francez

Më: 23 prill 2022 Në ora: 11:56
Fabregas rikthehet pas 219 ditësh, riniset nga divizioni i katërt francez

Cesc Fabregas ka lënë pas krahëve problemet e shumta fizike dhe është gati të rikthehet në fushë pas plot 219 ditëve!

Mesfushori i njohur spanjoll, pjesë e Monaco prej janarit të vitit 2019, nuk luan prej 16 shtatorit të vitit të kaluar, në takimin e Europa League ndaj Sturm Graz.

Në fillim koronavirusi, më pas problemet në gju dhe në kavilje ishin shkaqet pse Fabregas i ka munguar kaq gjatë skuadrës nga Montekarlo.

RMC Sport shkruan se 34-vjeçari iberik është grumbulluar me ekipin e dytë të Monakos për takimin e sotëm ndaj Aubagne, e vlefshme për National League, ndryshe divizioni i katërt i futbollit francez.

Mesfushori do të luajë disa minuta sot. Te Monaco duan që lojtari të mos nxitohet dhe të marrë gradualisht minuta për t’u rikthyer në formën e ditëve më të mira.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat