Noussair Mazraoui mund të quhet një futbollist i ri i Bayern Munichut, edhe pse mungon ende njoftimi zyrtar.
Mbrojtësi i djathtë maroken ka pasur paraqitje fantastike me Ajaxin në dy vitet e fundit dhe ka zgjuar interesimin e skuadrave më të mëdha evropiane.
Barcelona, Milan, Roma, Borussia Dortmund dhe Bayern Munich kanë shprehur interesim për transferimin e lojtarit dhe gara si duket është fituar nga gjiganti gjerman.
Mediat e ndryshme në Gjermani kanë raportuar se Bayerni ka fituar garën me skuadrat e tjera duke siguruar shërbimet e anësorit maroken.
Mazraoui besohet se ka kaluar edhe testet mjekësore te Bayerni dhe se ka arritur tanimë marrëveshje për kontratën e cila pritet të jetë pesë vjeçare.
Reprezentuesi maroken do të largohet nga Ajaxi në fund të sezonit si futbollist i lirë, pasi kontrata me gjigantin holandez i skadon më 30 qershor.
Mazraoui ka arritur marrëveshje personale me Bayernin ku do të nënshkruajë një kontratë pesë vjeçare nga e cila do të fitojë pagë vjetore prej tetë milionë eurove bruto.
Zyrtarizimi i marokenit si futbollist i ri i Bayernit pritet të bëhet gjatë javëve të ardhshme.
