Atalanta është kthyer te fitorja në kampionatin italian

Futboll

Atalanta është kthyer te fitorja në kampionatin italian

Më: 8 maj 2022 Në ora: 15:04
Atalanta është kthyer te fitorja në kampionatin italian

Atalanta është kthyer te fitorja në kampionatin italian dhe mban gjallë shpresën për një kualifikim në kompeticionet euorpiane për sezonin e ardhshëm.

Bergamaskët, që vinin nga dy barazime radhazi në kampionat, kanë mundur 3-1 në transfertë Spezia-n e Rey manajt në javën e 36-të të Serisë A.

Berat Gjimshiti, ylli i kombëtares shqiptare, konfirmohet mbrojtës golashënues në këtë sezon. 29-vjeçari, në fakt, ka realizuar golin që ka çuar shifrat 2-1 në favorin e skuadrës së tij.

Gjimshiti ka bërë një lëvizje prej një qendërulmuesi të pastër në minutën e 73-të, duke devijuar në rrjetë me një goditje të bukur me kokë, topin e dërguar në shtyllën e dytë nga Demiral. Plot 3 gola për Beratin në këtë sezon.

Muriel ka zhbllokuar takimin në minutën e 16-të, ndërsa Verde ka barazuar përkohësisht për vendasit në minutën e 30-të. Pasalic ka realizuar golin e sigurisë për miqtë në minutën e 91-të.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat