Batatina tregon pse po luan me futbollistë të rinj

Futboll

Batatina tregon pse po luan me futbollistë të rinj

Më: 15 maj 2022 Në ora: 18:36
Batatina tregon pse po luan me futbollistë të rinj

Llapi ka pësuar humbje 3-2 në kuadër të javës së 35-të në BKT Superligën e Kosovës ndaj Dukagjinit.

Trajneri i skuadrës nga Podujeva, Tahir Batatina ka thënë se kjo ndeshje ishte për të testuar lojtarë të rinj dhe se fokusi i tyre është në Kupën e Kosovës.

“Fokusi im për këto ndeshje është ta shoh potencialin e lojtarëve që nuk kanë minutazhë”, ka thënë fillimisht ai për Art Sport pas ndeshjes.

“Jemi në fund të kampionatit dhe nuk është mirë që një trajner të mos u jap hapësirë lojtarëve për ta parë potencialin e tyre për të ardhmen”.

“Fokusi im është që t’u jap hapësirë djemve të rinj. Fokusin natyrisht e kam edhe te finalja e Kupës së Kosovës ndaj Dritës sepse faktikisht, Evropën e kemi siguruar”, ka shtuar trajneri Batatina.

Dukagjini e mbajti këtë epërsi deri në fund, duke fituar tre pikë dhe gjendet në vendin e gjashtë me 49 pikë, ndërsa Llapi është në të katërtin me 54 sosh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat