Totti e shijon Tiranën, shefat lezhjanë gatuajnë për finalistët e Conference League

Futboll

Totti e shijon Tiranën, shefat lezhjanë gatuajnë për finalistët e Conference League

Më: 25 maj 2022 Në ora: 15:45
Totti e shijon Tiranën, shefat lezhjanë gatuajnë për finalistët e Conference League

Prej ditësh Tirana është nën ethet e finales së madhe të Conference League. Roma dhe Feynoord do të përballen mbrëmjen e kësaj të mërkure në stadiumin “Air Albania” për trofeun e rëndësishëm.

Kryeqyteti dhe qytetet e tjera përreth kanë pritur një fluks të madh tifozësh italianë dhe holandezë, të cilët i kanë shfrytëzuar këto ditë qëndrimi në Shqipëri për të shijuar dhe kuzhinën tonë, njoftojnë mediat shqiptare.

Shefi i njohur i Mrizit të Zanave, Altin Prenga thotë se ka qenë sot mes shefave që kanë gatuar për Kryesinë e UEFA-s në Tiranë dhe finalistët e ekipeve të Conference League. Altini ndan një foto me legjendën e Romës Francesco Totti dhe shkruan se italiani ka provuar sot byrek me groshë.

Shefat lezhjanë duket se kanë servirur sot ushqime të zgjedhura për miqtë e Romës dhe Feynoord, në një drekë të mbajtur në Pallatin e Brigadave, ku i pranishëm ka qenë kryeministri Edi Rama dhe personalitete të tjera.

Kjo drekë e rëndësishme u është besuar shefave lezhjanë, por me gatime tradicionale jo vetëm nga Lezha, shefave Altin dhe Anton Prenga nga Mrizi i Zanave, shef Alfred Markut nga Rapsodia dhe shefit Sebastian Biba.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat