Llapi sërish fiton Kupën e Kosovës, Tahir Batatina sikur në qiellin e shtatë 

Futboll

Llapi sërish fiton Kupën e Kosovës, Tahir Batatina sikur në qiellin e shtatë 

Nga: K. Goca Më: 26 maj 2022 Në ora: 20:24
Llapi sërish fiton Kupën e Kosovës, Tahir Batatina sikur në qiellin e shtatë 

Llapi është fitues i Kupës së Kosovës në futboll. 

Llapjanët shënojnë fitore me rezultat 2:1 ndaj Dritës së Gjilanit, në finalen që u zhvillua në stadiumin “Fadil Vokrri” në Prishtinë.

Ndeshje e luftuar deri në fund por Llapi ia doli dhe për të dytin vit rresht fitojnë trofeun e çmueshëm.

Kryetrajneri i Llapit, Tahir Batatina, është sikur në qiellin e shtatë, duke e përmbyllur në mënyrën më të mirë edhe edicionin 2021-2022.

Në minutën e 6-të, futbollisti Franciso Rivera nga gjuajtja e lirë rreth 22-23 metra shënoi gol të bukur, 0:1 për Llapin.

Në minutën e 36-të, Hamdi Namani realizon me kokë nga afërsia për 1:1.

Në pjesën e dytë përkatësisht në minutën e 48-të, Arbnor Morina shënon golin e fitores së madhe!

Llapi fiton Kupën e Kosovës, për herë të dytë në histori të klubit. Zhgënjim të tabori i Dritës, te kryetrajner Ardian Nuhiu.          

Drita - Llapi 1:2

Shënues:Namani (36') - Rivera (6'), Ramadani (48').

Drita: Drita: Rexhepi, Blakçori, Cuculi, Limani, Islami, Broja, Namani, Jashari, Kryeziu, Ajzeraj, Simonovski.

Llapi: Abdyli, Shabani, Prençi, Neto, Krasniqi, Peposhi, Ramadan, Rivera, Veliu, Selmani dhe Firmino.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat