​Kosova përfundon me sukses edhe stërvitjen e dytë në Kampin Nacional në Hajvali

Futboll

​Kosova përfundon me sukses edhe stërvitjen e dytë në Kampin Nacional në Hajvali

Më: 27 maj 2022 Në ora: 17:44
Kosova

Kombëtarja e Kosovës në krye me trajnerin, Alain Giresse, ka mbajtur edhe seancën e dytë stërvitore sot në Kampin Nacional në Hajvali.

Të dy seancat stërvitore që u zhvilluan sot janë në kuadër të përgatitjeve për katër ndeshjet e muajit qershor, të vlefshme këto për Ligën e Kombeve, përcjell KosovaPress.

Edhe kjo stërvitje, njëjtë sikurse ajo e mëngjesit të sotëm, u karakterizua kryesisht me ushtrime fizike, vrapime të lehta dhe lojë individuale me top.

Po ashtu, te "Dardanët" u vërejt një disponim i mirë para ndeshjeve në Ligën e Kombeve.

Kosova ndeshjen e parë në kuadër të kualifikimeve drejt kësaj gare, do ta zhvillojë si mysafire e Qipros më 2 qershor, kurse, tri ditë më vonë pret në shtëpi, në stadiumin "Fadil Vokrri", Kombëtaren e Greqisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat