Thibaut Courtois: Dua të fitoj Ligën e Kampionëve për herë të parë

Futboll

Thibaut Courtois: Dua të fitoj Ligën e Kampionëve për herë të parë

Më: 27 maj 2022 Në ora: 20:57
Thibaut Courtois

Portieri Real Madrid, Thibaut Courtois, ka folur në një konferencë për shtyp para ndeshjes ndaj Liverpoolit, e vlefshme për finalen e Ligës së Kampionëve.

Courtois ka folur sot përpara ndeshjes ndaj Liverpool.

Belgu tha se shpreson ta fitojë trofeun e tij të parë, pasi ishte pranë ta fitonte atë në vitin 2014, por ishte pikërisht Real Madridi që e mposhti në finale Atletico Madridin 4:1.

“Kthehem për të luajtur një finale pas 8 vitesh, e humba atë sfidë, por shpresoj të fitoj nesër për herën time të parë Championsin dhe Marcelo dëshiron të pestin. Ne kemi të njëjtën dëshirë për historinë e Real Madrid”, tha Thiboo.

Portieri i Realit u pyet gjithashtu edhe për Benzeman, dhe e cilësoi si një lojtar kyç të ekipit.

“Është gjithnjë e më i mirë, ai është bërë një lojtar kyç. Ai nuk ndalet”, vazhdoi ai.

Courtois tha se të gjithë lojtarët janë gati për këtë finale.

comment Për komente lëvizni më poshtë
Sot mund të lexoni Shfletoni kopertinat