Kreu i FF të Irlandës së Veriut, falënderues për mikpritjen e ngrohtë në Kosovë

Futboll

Kreu i FF të Irlandës së Veriut, falënderues për mikpritjen e ngrohtë në Kosovë

Më: 8 qershor 2022 Në ora: 23:51
Kreu i FF të Irlandës së Veriut, falënderues për mikpritjen e ngrohtë në Kosovë

Presidenti i FFK-sl, Agim Ademi, në prag të ndeshjes së radhës në Ligën e Kombeve, Kosovë – Irlandë e Veriut, ka shtruar darkë për delegacionin e Federatës së Futbollit të Irlandës së Veriut në krye me presidentin Conrad Kirkwood, si dhe për delegatin e UEFA-s.

Gjatë kësaj darke u shkëmbyen përvojat e dy federatave në fusha të ndryshme rreth futbollit, duke pasur parasysh se të dyja vendet vlerësohen të vogla për nga territori, por që kanë entuziazëm të madh për futbollin.

Ademi e njoftoi homologun e tij rreth projekteve të realizuara viteve të fundit dhe pasionin e madh që populli i Kosovës e ka ndaj sportit dhe në veçanti ndaj futbollit, derisa të dyja palët u pajtuan që në të ardhmen të përafrohen edhe më shumë dhe të bashkëpunojnë në projekte të ndryshme me qëllim të avancimit të futbollit tek të rinjtë.

Kreu i FF të Irlandës së Veriut, Kirkwood u shpreh falënderues për mikpritjen e ngrohtë në Kosovë, teksa në fund të darkës të dyja palët shkëmbyen dhurata, si dhe uruan për lojë të mirë në ndeshjen e nesërme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat