Operohet me sukses futbollisti i Gjilanit

Futboll

Operohet me sukses futbollisti i Gjilanit

Më: 23 qershor 2022 Në ora: 14:31
Operohet me sukses futbollisti i Gjilanit

SC Gjilani ka njoftuar se futbollisti Edison Kqiku është operuar në këmbën e djathtë. 

Kqiku kishte pësuar frakturë në fibulën e këmbës së djathtë, dhe siç njofton klubi operacioni ka përfunduar me sukses.

Futbollisti gjilanas cilësohet një talent i madh, por ka qenë i pafat me lëndime të shumta që e kanë përcjellur gjatë viteve të fundit.

"Sport Club Gjilani konfirmon se futbollisti Edison Kqiku ka përfunduar me sukses operacionin në këmbën e djathtë pas një lëndimi që pësoi në seancat stërvitore.

Kqiku ka pësuar frakturë në fibulën e këmbës së djathtë dhe me rekomandim të stafit mjekësor është operuar për të kaluar më shpejtë këtë sfidë.

Të gjithë në SC Gjilani i urojnë shërim të shpejtë Edit dhe presin më të fortë në fushat e blerta", njofton SC Gjilani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat