Agim Ademi: Ky turne ka zgjuar interesim të madh 

Futboll

Agim Ademi: Ky turne ka zgjuar interesim të madh 

Nga: K. G. Më: 24 qershor 2022 Në ora: 21:59
Agim Ademi: Ky turne ka zgjuar interesim të madh 

Atmosferë madhështore në turneun e futbollit të vogël në Prishtinë. Secila ndeshje po zhvillohet me rivalitet.

I pranishëm edhe presidenti i Federatës së Futbollit të Kosovës, Agim Ademi, i cili i fton të gjithë dashamirët e këtij sporti të shikojnë këtë ngjarje atraktive.    

“Në kuadër të programit tim për zhvillimin e futbollit spontan (futbollit të rrugës), sot, ka filluar "Tournament Prishtina 2022", nën patronatin e FFK-së e në mbikëqyrje të

Getart Hysenit, Bajram Murturit dhe Lulzim Berishës. 

Ky event, i cili po zhvillohet në sheshin "Zahir Pajaziti", në kryeqytet, do të zgjasë deri më 29 qershor, teksa po marrin pjesë 20 ekipe. 

Qysh në mbrëmjen e parë ky turne ka zgjuar interesim të madh. E përveç kënaqësisë që sjellë loja e futbollit për qytetarët dhe bashkëatdhetarët tanë gjatë këtyre mbrëmjeve verore, nga ky turne mund të dalin edhe talente, të cilët më pas do të mund të regjistrohen në klubet e futbollit dhe të futsallit.

Ju ftoj ta ndiqni nga afër këtë turne!”, ka shkruar Ademi në profilin e tij në facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat