Zhunior nuk do të vijojë bashkëpunimin me Partizanin

Futboll

Zhunior nuk do të vijojë bashkëpunimin me Partizanin

Më: 30 qershor 2022 Në ora: 14:55
Zhunior

Stenio Zhunior nuk do të vijojë bashkëpunimin me Partizanin.

Këtë lajm e ka bërë vetë me dije sulmuesi brazilian me anë të një “Story” të postuar në profilin e tij të rrjetit social “Instagram” ku shkruan se dita e sotme ishte e fundit për të me klubin e kuq dhe se falënderon presidentin Gazmend Demi dhe të gjithë personat që ka punuar me të këto vite të përshkuara me fanellën e “demave”:

“Sot përfundon kontrata ime me Partizanin. I jam falenderues klubit për këtë 1 vit e gjysmë që kaluam së bashku.

Falënderoj presidentin Gaz Demi për respektin, lojtarët, punonjësit e klubit dhe trajnerët, për të gjithë momentet dhe tifozët për të gjithë mbështetjen.

Ju uroj fat në arritjen e objektivave të radhës, respekt.”, ishin fjalët e 31-vjeçarit.

Më parë braziliani është aktivizuar edhe në radhët e Shkëndijes së Tetovës, Pelisterit dhe Liteksit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat