Shkëlqeu në Itali, mbrojtësi ka vetëm një kusht për klubin e radhës

Futboll

Shkëlqeu në Itali, mbrojtësi ka vetëm një kusht për klubin e radhës

Më: 30 qershor 2022 Në ora: 18:10
Shkëlqeu në Itali, mbrojtësi ka vetëm një kusht për klubin e radhës

Gleison Bremer ishte një nga mbrojtësit më të spikatur në Serie A sezonin e kaluar. Gjiganti i prapavijës së Torinos ka fituar vëmendjen e disa prej klubeve më të mëdha në Itali (Inter, Juventus, Milan, por edhe në Europë (Tottenham).

Megjithatë, vetë 25-vjeçari brazilian thekson se për të është e rëndësishme që në sezoni e ardhshëm të luajë në një klub pjesëmarrës në Ligën e Kampionëve ndërsa shton se së shpejti do të përcaktohet edhe aventura e re.

“Për të ardhmen time jam në komunikim të vazhdueshëm me agjentin tim dhe për momentin nuk ka asgjë konkrete. Jemi në bisedime dhe ende nuk e di nëse do të qëndroj në Serie A apo do të luaj në një klub jashtë Italisë.

Për mua e rëndësishme është që në sezonin e ardhshëm të luaj në Champions League sepse në këtë formë mund të rritem. Ëndrra ime është të grumbullohem me Brazilin për Botërorin, megjithatë të shohim”, u shpreh Bremer.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat