Lajm bombë nga Anglia, arrestohet ylli i Premierligës - dyshohet se ka përdhunuar një 20-vjeçare

Futboll

Lajm bombë nga Anglia, arrestohet ylli i Premierligës - dyshohet se ka përdhunuar një 20-vjeçare

Më: 4 korrik 2022 Në ora: 20:11
Foto ilustrim

Një futbollist, që aktivizohet në Premierligë,është arrestuar në veri të Londrës me dyshimin për përdhunim.

Emri i futbollistit nuk është zbuluar për arsye ligjore, por thuhet se ai është edhe reprezentues i njërës prej Kombëtareve që do të marrin pjesë në Kampionatin Botëror “Katar 2022”.

Nga mediat angleze ai është quajtur si “yll i futbollit”, teksa mësohet se është 29-vjeçar.

Sipas “Telegraph”, ai është marrë në paraburgim, derisa rasti për të cilin dyshohet thuhet se ka ndodhur në muajin e kaluar.

Policia me anë të një deklarate ka konfirmuar se futbollisti është arrestuar herët në mëngjesin e së hënës. 

“Më 4 korrik, një rast për përdhunim të një gruaje rreth të 20-ave u raportua në polici. U raportua se përdhunimi i supozuar ka ndodhur në qershor 2022. Mashkulli u arrestua në Barnet me dyshimin për përdhunim dhe u dërgua në paraburgim. Hetimet po vazhdojnë”, thuhet në njoftimin e policisë.

Edhe pse nuk dihet identiteti i lojtarit në fjalë, pretendohet se ai është i njohur ndërkombëtarisht. Klubi i lojtarit thuhet se është në dijeni të situatës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat