Lajm jo i mirë për “Nerazzurët”, Marotta flet për situatën Dybala-Inter

Futboll

Lajm jo i mirë për “Nerazzurët”, Marotta flet për situatën Dybala-Inter

Më: 5 korrik 2022 Në ora: 18:17
Dybala

Që prej lajmit se Dybala nuk do ta rinovojë kontratën e tij me Juventusin, rivali i këtij të fundit, Interi, vazhdimisht ka qenë në kontakte që të arrij marrëveshje me yllin argjentinas.

Po ashtu, interesimi në Dybalan ishte konfirmuar edhe nga krerët e Interit, të cilët zbuluan se janë në bisedime për ta sjellë ish-sulmuesin e Juventusit në “Giuseppe Meazza”.

Por, këto spekulime si duket tani i ka demantuar shefi i Interit, Giuseppe Marotta, i cili tregoi që me transferimin e Lukakut klubi e ka përfunduar përforcimin në repartin e sulmit.

“Dybala është pjesë e lojtarëve që janë të lirë në këtë merkato, ai është dhe ishte njëri nga opsionet, por ne veçse e kemi kompletuar sulmin tonë me shumë lojtarë të mirë”, tha Marotta.

Marrëveshja mes Dybalas dhe Interit ka mbetur e pezulluar për më shumë se një muaj, dhe nga fjalët e fundit të Marottas, tifozët “Nerrazurë” si duket nuk do ta shohin Dybalan në fanellën zikaltër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat