U arrestua nën dyshimin për përdhunim, shtohen problemet për lojtarin e Premier Ligës

Futboll

U arrestua nën dyshimin për përdhunim, shtohen problemet për lojtarin e Premier Ligës

Më: 5 korrik 2022 Në ora: 19:10
Foto ilustrim

Një futbollist i Premier Ligës, i arrestuar me dyshimin për përdhunim tani po përballet me dy akuza të tjera për përdhunim ndaj një gruaje tjetër.

Lojtari, emri i të cilit nuk mund të përmendet për arsye ligjore, u arrestua në veri të Londrës të hënën dhe u dërgua në paraburgim.

29-vjeçari u mor në pyetje për një sulm të dyshuar që thuhet të ketë ndodhur muajin e kaluar, konfirmoi më vonë “Scotland Yard”.

“Telegraph Sport” raportoi të martën se lojtari gjithashtu është pyetur për sulme të veçanta të dyshuara ndaj një gruaje tjetër vitin e kaluar. Po ashtu, thuhej se lojtari ishte liruar me kusht deri në gusht, pasi kishte kaluar rreth 30 orë në paraburgim policor.

Në një deklaratë të përditësuar, “Scotland Yard” tha: "Më 4 korrik, një akuzë për përdhunim të një gruaje rreth të 20-tave u raportua në polici. U raportua se përdhunimi i dyshuar ndodhi në qershor 2022. Më 4 korrik, një burrë 29-vjeçar u arrestua në një adresë në Barnet me dyshimin për përdhunim dhe u dërgua në paraburgim.

“Ndërsa ishte në paraburgim, ai u arrestua më tej me dyshimin për dy incidente të përdhunimit që pretendohej se ishin kryer në prill dhe qershor të vitit 2021 kundër një gruaje tjetër rreth të 20-tave. Më pas ai është liruar me kusht deri në një datë në gusht. Hetimet për rrethanat janë në vazhdim”.

Lojtari, siç raportoi “Telegraph Sport”, është i njohur ndërkombëtarisht dhe është e paqartë nëse ai tani do të luajë në orarin e ndeshjeve para-sezonale të klubit të tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat