Lazio i del në mbrojtje drejtorit sportiv

Futboll

Lazio i del në mbrojtje drejtorit sportiv

Më: 6 korrik 2022 Në ora: 00:09
Lazio i del në mbrojtje drejtorit sportiv

Situata e një zënke të aluduar mes presidentit të Lazios, Klaudio Lotito dhe drejtorit sportiv Igli Tare pushtoi mediat italiane në ditën e sotme.

Lidhur me situatën ka reaguar edhe vetë klubi italian i cili ka shuar polemikat me një deklaratë zyrtare ku ka theksuar besimin te drejtori sportiv shqiptar.

“Bazuar në lajmet e nxjerra në disa portale në ditën e sotme lidhur mes një konflikti verbal midis presidentit të klubit Klaudio Lotito dhe drejtorit sportiv, qartësohet se këto lajme janë të pavërteta.

Në fakt drejtori sportiv Tare gëzon besimin e klubit dhe presidentit dhe do të vazhdojë të kryej ashtu si ka bërë gjithmonë rolin e tij si drejtor sportiv në skuadrën e parë, ndërsa drejtori Anxhelo Fabiani do të vazhdojë detyrën si drejtues në skuadrën e femrave dhe atë të të rinjve të meshkujve dhe femrave.”, u shpreh Lazio në komunikatën zyrtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat