Kukësi zyrtarizon një tjetër futbollist!
Klubi i Kukësit me anë të një reagimi në faqen zyrtare në rrjetet sociale ka zyrtarizuar marrëveshjen me futbollistin Rimal Haxhiu, teksa 23-vjeçari ka firmosur një kontratë deri në fundin e sezonit të ardhshëm.
Mesfushori, në vitin e kaluar ishte pjesë e Dinamos duke fituar eksperiencë në Abissnet Superiore ndërsa përgatitet të nisë një aventurë të re edhe më të rëndësishme duke njohur objektivat e verilindorëve.
Në të kaluarën, Haxhiu është aktivizuar edhe në radhët e Luftëtarit apo Apolonisë.
