Benzema, për 3 rekorde

Futboll

Benzema, për 3 rekorde

Më: 10 gusht 2022 Në ora: 19:41
Benzema, për 3 rekorde

Karim Benzema është kthyer në një makineri rekordesh te Reali i Madridit. Ka mjaftuar largimi i Kristiano Ronaldos, që francezi të marrë komandën dhe në harkun e tri sezoneve të kthehet në një ikonë të Madridit. Kapiteni i Realit të Madridit është në kërkim të sfidave të reja, të rekordeve të reja. Dhe në finalen e Superkupës së Europës në Helsinki ai synon të tjera rekorde.

Në kryeqytetin e Finlandës, Karim ka mundësinë e parë për të lënë pas figurën e Raulit si golashënuesi i dytë më i mirë në historinë e klubit. Ai në fakt e arriti shifrën 324 në finalen e Ligës së Kampioneve ndaj Liverpulit, por goli i tij u anulua.

Tashmë ai do të kërkojë ndaj Frankfurti të kalojë Raulin dhe të bëhet golashënuesi i dytë më i mirë në historinë e Realit pas të pakapshmit Ronaldo (451).

Por nuk mjaftohet me kaq. Nëse fiton finalen e Superkupës, për Benzemanë ky do të ishte titulli i parë si kapiten i parë i Realit, pas largimit të Marselos. Rekordi i tretë ka të bëjë me një tjetër figurë të madhe, Pako Gento. Nëse Benzema e Reali fitojnë trofeun në Helsinki, francezi do të barazonte Genton me 23 trofe dhe do të ishte vetëm 2 trofe larg Marselos, si lojtari më i titulluar në historinë e këtij klubi.

Kapiteni Benzema ka folur para finales ndaj Eintrahtit, duke mos e fshehur dëshirën për një tjetër titull me Madridin. “Unë nuk bëj garë me Marselon. Unë dua të ftoj çdo kompeticion me Realin. Gara ime nuk është personale”, tha ai. Sulmuesi i Realit është ngacmuar edhe për moshën, por përgjigjja e tij ka qenë e ngjashme me Modriçin.

“Unë nuk njoh moshë njoh vetëm punë, ndaj jemi këtu në finale. Ne punojmë në fushë e jashtë saj për të qenë të gatshëm dhe në formë. Unë, më i miri? Nuk jam unë që e vendos një gjë të tillë. Unë mendoj të bëj më të mirën për shokët e mi, për ekipin tim”, tha kapiteni i Realit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat