Ndonëse asnjë ekip i “Abissnet Superiores” nuk gjendet në kompeticionet europiane, arbitrat të kampionatit tonë do të jenë prezent në fazën e fundit kualifikuese.
Juxhin Xhaja do të jetë ai i cili do i fryjë bilbilit mbrëmjen e 17 gushtit.
Përballja e parë mes Djurgardenit dhe Apoelit i është besuar trupës shqiptare të arbitrave.
Takimi do të nisë në orën 18:45 dhe do të ketë si arbitër kryesor Juxhin Xhajën.
Në rolin e asistentëve do të jetë dyshja Rejdi Avdo dhe Dojando Myftari. Ndërkaq, Kreshnik Barjamaj do të jetë në pozicionin e gjyqtarit të katërt..
