Abazi më nuk është pjesë e FC Shkupit

Futboll

Abazi më nuk është pjesë e FC Shkupit

Më: 15 gusht 2022 Në ora: 00:17
Largohet nga Shkupi

Anid Abazi më nuk është pjesë e FC Shkupit.

Sulmuesi 19-vjeçar ka vendosur ti thotë një mirupafshim klubit të tij të zemrës, por jo edhe lamtumirë, pasi zemra e Anidit rrah “bardheblu”. Ai është një prodhim i shkollës së skuadrës nga Çairi, duke kaluar thuajse të gjitha grupmoshat, edhe atë si një ndër më të dalluarit.

Falë talentit të tij, ai që në moshën 18-vjeçare u bashkua me ekipin e parë të FC Shkupit, duke debutuar me 22 gusht të vitit të kaluar kundër Struga Trim Lum.

Në ndeshjen e tij të dytë si titullarë, Anidi kishte shënuar gol në ndeshjen e fundit të sezonit të kaluar kundër Ak.Pandev (3:0), pas së cilës ndeshjes pasoi festa e titullit kampion.

Në këtë mënyrë, Anidi bëri ëndërrën realitet, u shpall kampion me skuadrën e tij të zemrës, madje duke e ndihmuar atë edhe me një gol të shënuar, ndërsa për shkak konkurrencës së madhe në skuadër, e në veçanti në repartin e sulmit, i njëjti ka vendosur që të ndryshojë mjedis, duke kërkuar sfida të reja në karrierën e tij.

Siç mëson “infOSport.mk”, Anid Abazi në vazhdim do të luaj me skuadrën e Skopjes, edhe pse për shërbimet e tij kishte interes edhe nga disa skuadra tjera, përfshirë këtu edhe Pobedën.

Anid Abazi te Skopje beson se do të ketë më shumë hapësira për të konfirmuar aftësitë e tij realizuese, ndërsa i njëjti pritet që të debutojë që në mesjavë në ndeshjen kundër Shkëndijës. Kujtojmë, Skopje i ishte përgjigjur pozitivisht kërkesës së “kuqezinjëve” për shtyerjen e ndeshjes të xhiros së parë, ashtu që të mërkurën skuadra nga Autokomanda do të zhvillojë ndeshjen e parë në sezonin e ri, duke pasur parasysh se ishte e lirë në kuadër të xhiros së dytë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat