Ballkani arrin marrëveshje me sulmuesin shqiptar

Futboll

Ballkani arrin marrëveshje me sulmuesin shqiptar

Më: 19 gusht 2022 Në ora: 17:06
Ballkani arrin marrëveshje me sulmuesin shqiptar

Ballkani e arriti një fitore jashtëzakonisht të rëndësishme mbrëmë kur mposhti Shkupin në “Todor Proeski” me rezultat 1:2, raporton FrontOnline. Kjo ndeshje ishte e vlefshme për fazën “play-off” të Ligës së Konferencës, dhe tani therandasit i ndajnë 90 minuta larg kualifikimit në fazën e grupeve.

Përpos këtij rezultati historik, klubi nga Suhareka po punon edhe në tregun e transferimeve.

Burime të FrontOnline mësojnë ekskluzivisht se Ballkani ka arritur marrëveshje me “bomberin” shkodran, Sidrit Guri.

Portali raporton se 28-vjeçari ka arritur marrëveshje me Ballkanin dhe shumë shpejt pritet të vie zyrtarizimi.

Guri që ka dy paraqitje edhe për Kombëtaren e Shqipërisë, së fundmi është aktivizuar te Shkëndija e Tetovës.

Në edicionin që lamë pas, në elitën e futbollit të Maqedonisë së Veriut, Guri u paraqit në 24 ndeshje duke shënuar dhjetë gola e duke dhuruar tri asistime.

Më parë, Guri ka luajtur në Belgjikë te Oostende si dhe në Shqipëri te Kukësi, Korabi, Vllaznia, Kastrioti dhe Besa e Kavajës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat