Hysaj bën autokritikë: Koha të reflektoj, duhet të bëj më shumë për fanellën

Futboll

Hysaj bën autokritikë: Koha të reflektoj, duhet të bëj më shumë për fanellën

Më: 24 shtator 2022 Në ora: 23:49
Elseid Hysaj

Elseid Hysaj gaboi sërish në Izrael dhe gabimet individuale bën që izraelitët të marrin fitore ndaj Shqipërisë.

Mbrojtësi shqiptar ka thënë se duhet të japë shumë më tepër dhe të përmirësojë gabimet.

Pse vjen një tjetër humbje?

Nga gabimet individuale, siç e bëra edhe unë. Po gabojmë shumë në çdo ndeshje dhe kjo po na penalizon vazhdimisht.

A ndikoi rikthimi te skema me pesë në mbrojtje?

E kishim planifikuar që nëse nuk do na ecte mirë me 4, do ktheheshim me 5 dhe ashtu ndodhi. Kur u vumë në vështirësi, u tërhoq Gjasula. Por besoj se nuk ishte problemi i skemës, sesa i gabimeve individuale, që ne bëmë edhe sot.

Si ndiheni që vazhdojmë të humbim nga gabimet e tua?

Normal që nuk ndihem mirë, pasi unë duhet të jap shumë më tepër. Pikërisht nga dëshira për të dhënë më shumë, shpesh gaboj. Sot ka qenë një nga ndeshjet më negative për mua dhe do ta analizoj me veten, për të reaguar në sfidat e ardhshme./SS/

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat